Síðustu útgáfur. Nóv 2020 – ** NÝTT ** App v3.0 , Okt 2020 – backend v1.93
Þín lausn
2Way er þitt kerfi frá upphafi, með merki og nafni þíns félags í bak og fyrir. Appið er birtingarmynd kerfisins gagnvart notandanum – þínum félagsmanni. Appið er staðurinn þar sem hann getur sótt alla þjónustu stéttarfélagsins með auðveldum hætti, hvar og hvenær sem er. Veflægt umsjónarkerfi stjórnenda appsins heldur utan um birtingu efnis, móttöku og umsýslu erinda og stjórnun þess.
Kerfið er ekki bara upplýsingaveita félagsins heldur tekur líka móti innsendum erindum, eins og t.d. umsóknum í sjóði og svörum við könnunum. 2Way hentar öllum stærðum og gerðum stéttarfélaga, hvar svo sem þau eru stödd í heiminum.
2Way lausnin er ekki bara sniðug, heldur líka tilbúin til notkunar. Með betra aðgengi félagsmanna að þjónustu félagsins styttist fjarlægðin og allt utanumhald verður skilvirkara. 2Way er tilbúið kerfi sem hefur verið þróað í samvinnu við fjölda stéttarfélaga og reynst þeim vel. 2Way er boðið í kerfisleigu sem innifelur allar uppfærslur, viðbætur og þjónustu við kerfið.
2Way brúar bilið milli félagsmanns og félags. Félagsmaðurinn upplifir betri aðgang að upplýsingum og þjónustu og félagið hefur betra aðgengi að félagsmanninum. Samskipti auka samheldni!
The development of 2Way would not have been possible without our launch clients and development partners, BALPA and FIA. It was also greatly facilitated by the recognition of the Icelandic Technology Development Fund (Tækniþróunarsjóður) which provided 2Way with a three-year project grant.
Icelandic Technology Development Fund (Tækniþróunarsjóður) - www.rannis.is
Pilots associations need to work effectively and share ideas with others facing similar issues - using 2Way could make a small, but important, contribution to this. 2Way has been an excellent partner in this project and we look forward to an ongoing partnership with them.
Tim Pottage - BALPA Chairman of Communications and External Relations - https://www.balpa.org
NZALPA is constantly looking at ways to improve communication with our members. The 2Way Smartphone App has been a significant positive tool in helping us to achieve this goal. 2Way have been very pro-active and thorough in working with us to set up and integrate the App into NZALPA’s communications systems and then launch the App to our members.
Tim Robinson - President NZALPA - https://www.nzalpa.org.nz
Ein mesta áskorun stéttarfélaga í dag er að ná athygli félagsmanna sinna og halda þeirri einingu og samheldni sem er svo mikilvæg. Eftir að Flugfreyjufélag Íslands (FFÍ) tók í notkun FFI Appið fyrir tæpum tveimur árum hefur virkni félagsmanna stóraukist. FFÍ hefur mótað skýra stefnu í kringum appið sem nú er orðin miðja allra samskipta við félagsmenn sem hafa tekið þessari tæknilausn fagnandi.
Bergdís I. Eggertsdóttir, Skrifstofu- og verkefnastjóri Flugfreyjufélags Íslands (FFI) - https://ffi.is
Með svona tæknilegum umbótum nýta félagsmenn sér alla þjónustu betur. Það er betri og hraðari svörun við könnunum, betra flæði upplýsinga, betri meðferð erinda frá félagsmönnum og félagar sækja sér jafnvel frekar rétt sinn eins og í tengslum við styrki sem þeim bjóðast og hefðu jafnvel ekki að öllu jafna gert. Þannig hefur beinn efnahagslegur ávinningur myndast fyrir félagsmenn
Bergdís I. Eggertsdóttir, Skrifstofu- og verkefnastjóri Flugfreyjufélags Íslands (FFI) - https://ffi.is
The benefits of adopting the 2Way solution rather than developing our own solution are that we were able to get the App to the members far more quickly than we would have been able to if we had developed it alone, it has also been a significant advantage to be able to share ideas and lessons learned for the App with a larger group of like-minded pilot associations like FIA.
Tim Pottage - BALPA Chairman of Communications and External Relations - https://www.balpa.org
Nú orðið nota yfir 85% félagsmanna appið sem sýnir vel hve hagnýtt og notendavænt það er fyrir bæði notendur og stjórnendur. Einnig sýnir það vel að þörfin á svona lausn er klárlega til staðar. Hlutverk FÍA er að standa vörð um réttindi og kjör félagsmanna og veita þeim fjölbreytta þjónustu. Þjóunstan er okkar framleiðsla, okkar afurð. Tafarlaus miðlun upplýsinga, auðvelt aðgengi að mikilvægum gögnum og greið samskipti gegna þar lykilhlutverki, og er óhætt að segja að 2Way kerfið er orðið órjúfanlegur hluti af þjónustu okkar
Lára Sif Christiansen - Manager, Icelandic Pilots Association (FÍA) - https://www.fia.is
Kerfið er hægt að sníða að þínum þörfum og innifelur fjöldann allan af einingum sem öllum er stýrt er með veflægu umsjónarkerfi.
Nýjasta efni appsins birtist á forsíðu appsins – Tímalínunni.
Þar sem lausnin er „White label“, þá geta viðskiptavinir valið hvaða einingar birtast í þeirra appi – eða fengið okkur til að þróa nýjar.
Þegar félagsmaður þarf að senda inn erindi til félags er einfalt að gera það með erindrekanum. Erindin eru forsniðin skilaboð sem hægt er rekja í samskiptasögu. Við erindin er hægt að bæta ítarlegri upplýsingum með texta og mynd.
Gerð erinda eru ekki háð netsambandi, frekar en önnur notkun á appinu. Erindin eru sjálfkrafa vistuð og send þegar samband kemst á við tækið.
Erindi eru send inn með dulkóðun og sendandi fær skilaboð um móttöku, stöðu og úrvinnslu þess. Öll erindi eru móttekin í umsjónarkerfinu skráð fyrir tölfræðilega úrvinnslu.
Sérsniðið fyrir umsóknir í hina ýmsu sjóði eins og sjúkra- og endurmenntunarsjóð. Lágmarks innsláttur fyrir félagsmanninn. Einfalt er fyrir félagið að búa til sniðmát sem henta. Öll form fyrir umsóknir á einum stað.
Umsóknir berast í umsjónarkerfið þar sem félagið getur gefið hverri umsókn stöðu og kallað eftir frekari upplýsingum. Hægt að vinna með umsóknir með ýmsu móti og tengja við kerfi sem fyrir eru.
Félagsmaður getur séð stöðu á sínum umsóknum og átt samskipti innan hverrar sem send hefur verið inn. Eldri umsóknir eru ávallt til staðar svo hægt sé að glöggva sig á hvenær síðast var sótt um.
Fréttir og tilkynningar eru mikilvægur þáttur í samskiptum félaga. Með einföldum hætti er hægt að setja inn efni, Þar sem þú getur birt það sem þú þarft til þeirra sem þurfa að sjá það.
Þegar hlutirnir gerast rafrænt er auðvelt að auka tíðni fréttabirtinga án þess að það kosti meira.
Nýjustu innlegg fréttaveitunnar birtast á forsíðu appsins svo notendur sjái það sem efst er á baugi hverju sinni. Hver frétt ber upprunamerkingu (label) þannig að auðvelt er að sjá hvaðan fréttin berst.
Til að notendur geti auðveldlega fundið það sem máli skiptir er hægt að leita í öllu efni appsins og fara beint í það efni sem leitað var að.
í þessari einingu er góð yfirýn yfir alla sem vinna fyrir hönd félagsins. Hvort sem eru starfsmenn, stjórn, nefndir eða ráð.
Félagsmaður fær upplýsingar um viðkomandi aðila og getur haft samband beint.
Auðvelt er að hlaða upp fundargerðum eða öðrum upplýsingum nefnda og ráða sem starfa innan stéttarfélagsins. Félagar hafa því alltaf greiðan aðgang að öllum upplýsingum – með eða án nettengingar.
Með auknu gagnsæi og aðgengi að upplýsingum verður til meiri hvati fyrir fólk að kynna sér þær. Það heldur þeim upplýstum og eykur samstöðu félaga. Það hefur reynslan sýnt hjá núverandi notendum 2Way lausnarinnar.
Innan kerfisins er hægt að skilgreina fjöldann allan af hópum, til dæmis eftir vinnustað, stöðu, búsetu eða starfsstétt, og þannig sérsníða birtingu efnis eftir þeim. Þannig birtist þeim einungis efni við kemur þeim og um leið minnkar upplýsingaáreitið.
Viðhorf eru veruleiki. Að vita hvað þínum félögum liggur á hjarta er mikilvægt til að átta sig á hvernig vindar blása innan þíns félags og hvað þeim finnst máli skipta. Kannanaeiningin er einmitt hönnuð með það í huga – að veita þér svörin þegar þörf krefur.
Kannanir þjóna ekki bara þeim tilgangi að koma fram með svör heldur bjóða upp á að skapa umræður innan hópa og auka samstöðu.
Þegar spurningarnar hafa verið mótaðar er auðvelt að klára verkið í umsjónarkerfinu. Kerfið byrjar að taka við svörum um leið og hún er birt í appinu. Mögulegt er að birta niðurstöður könnunar í appinu um leið og henni lýkur eða halda niðurstöðum til hliðar til frekari úrvinnslu.
Með nákvæmum niðurstöðum góðrar könnunar liggja upplýsingarnar fyrir um hvort kúrsinn sé réttur eða aðlögunar sé þörf.
Skjalasafnið er eining sem gerir kleift að hafa öll pdf skjöl á einum stað í appinu, hvort heldur eru kjarasamningar, upplýsingabréf eða leiðbeiningar. Notandi getur leitað að ákveðnu efni í öllu skjalasafninu án þess að fara inn í hvert og eitt skjal. Auðveldara verður það ekki.
Notandinn stjórnar sjálfur hvort pdf skjölum sé hlaðið niður í símann eða hvort þau séu einvörðungu aðgengileg þegar tækið er í sambandi við netið, því pdf skjöl taka pláss í geymsluminni símans.
Þegar neyðin er stærst er hjálpin næst. Þar skiptir aðgengi að réttum og tímabærum upplýsingum miklu. Innan þessarar einingar eru neyðarsímanúmer listuð og forsniðin skilaboð sem hægt er að senda strax. Gátlistar og stöðluð vinnubrögð vegna atvika eru einnig aðgengileg í þessari einingu.
Allir viðburðir stéttarfélagsins eru birtir í tímaröð. Það hjálpar við að halda notendum upplýstum um hvað er framundan hjá félaginu. Hvort sem það eru fundir, námskeið eða fyrirlestrar. Notandinn getur síðan meldað sig á viðburðinn og þar með gefið félaginu glögga mynd af þátttöku.
Grunnupplýsingar um meðlimi félagsins eru hér að finna. Hvort heldur er innan hvers hóps eða þvert á þá. Félagið getur stillt hvaða upplýsingar eru sýnilegar öðrum. Félagsmaður hefur einnig þann möguleika að hylja upplýsingar um sig – allt í samræmi við persónuverndarsjónarmið.
Notendur geta uppfært sínar eigin upplýsingar innan appsins. Allar uppfærslur rata síðan inn í umsjónarkerfið og áfram inn í félagagrunn félagsins hafi slíkar tengingar verið settar upp.
Upplýsingar um áfangastaði, gististaði, ferðamáta eða aðra þætti getur verið meðal þess sem meðlimir þíns félags gætu haft gagn af að hafa aðgengilegar. Sumar stéttir eru meira á ferðinni en aðrar. Notendur geta veitt endurgjöf á gististaði og þannig gefið góðar upplýsingar til annarra.
Kerfið er einkar sveigjanlegt þegar kemur að því að mæta ólíkum þörfum viðskiptavina. Tengingar við þau kerfi sem fyrir eru, eins og félagakerfi, er meðal annars sem í boði er. Ef sértækra lausna er þörf þá er alltaf mögulegt að þróa slíkt og bæta við lausnina. Alger óþarfi að þróa annað app vegna þess.
2Way er svokölluð ‚white-label‘ lausn sem þýðir að viðskiptavinir hafa sitt eigið lógó og nafn á appinu eins og það birtist notendum. Það gerum við því að það sem skiptir máli er þitt félag – og samheldni félagana.
Hnippingar (e. push notifications) er hægt að senda á alla notendur eða skilgreinda hópa þeirra.
Hver viðskiptavinur hefur einn aðal-stjórnanda, en hann getur gert ótakmarkaðan fjölda notenda að stjórnendum í kerfinu með skilgreindu aðgengi að einingum og hópum.
2Way kerfið getur fyllilega haldið utan um þitt félagatal, en ef það hentar betur getur kerfið tengst nánast hverju því kerfi sem þú notar nú þegar til að halda utan um meðlimi þíns félags. Allar upplýsingar um félaga haldast uppfærðar milli kerfa, hvar sem þær eru uppfærðar.
Öll gögn sem berast frá notendum, hvort sem það eru umsóknir, erindi eða svör úr könnunum eru hýst í umsjónarkerfinu þar sem hægt er að vinna frekar með þau eða flytja út í töflureikna til frekari vinnslu.
Auðvelt er að skilgreina notendahópa eftir staðsetningu, vinnustað, starfsvettvangi eða í raun eftir hvaða sérstöðu sem er. Með því er hægt að auka nákvæmni upplýsingaflæðis í appinu og miðla efni betur.